Kontratazio baldintza orokorrak

Ondorengo kontratazio baldintza orokorrek guneen alokairurako online erreserbak eskainitako zerbitzuak arautzen ditu; gune hauek erabilera ludiko eta enpresariala izango dute 89 pertsonentzako gehienezko edukierarekin; barne dago 3 eta 12 urte arteko 40 haurrentzako edukiera duen haur parkea. Salsereta lokalari buruzko informazioa ematean oinarritzen dira zerbitzu hauek. Lokaleko gune konkretuak online erreserbatzeko zerbitzuak. Gune hauek, aisia-jarduerak, enpresa bilerak, bazkariak, askariak eta afariak burutzeko erabili ahal izango dira, data jakinetarako. Zerbitzu osagarriak ere eskainiko dira, cateringa besteak beste. Hauek https://www.salsereta.com web orriaren jabeak eskaintzen ditu, Lorena Zoco Casadok, 44639574R NAN, Odol-emaileen pasealekua 1, 31015 Iruña (Nafarroa, España), Salsereta marka erregistratuaren bitartez. Guzti honek osatzen du online erreserbarako zerbitzu honetan bezeroarekiko kontratuzko harremana arautzen duen zuzenbide-esparrua.

https://www.salsereta.com webguneak eskainitako online erreserben zerbitzuaren bezero moduan, kontratazio baldintza orokor hauek irakurri eta onartu beharko dituzu lehenengo. Baldintzak edozein momentutan bistarazi ahal izango dituzu orrialdean bertan.

Alderdi kontratugileen identifikazioa

Odol-emaileen pasealekua 1, 31015 Iruña (Nafarroa, España) helbidean kokatuta dauden lokaleko guneen online erreserbarako zerbitzuaren kontratazio baldintza orokorrak ondorengoek sinatzen dituzte: Alde batetik, Lorena Zoco Casado, 44639574R NAN, Salsereta marka erregistratupean jarduten duena, Odol-emaileen pasealekua 1, 31015 Iruña (Nafarroa, España) helbide soziala, 684 011 651 telefono zenbakia eta info@salsereta.com posta elektronikoa dituena, aurrerantzean Saltzailea. Bestetik, Bezeroa, zeinaren datuak online erreserba egiteko formularioan berorrek jaso dituen. Datu pertsonal horiek Bezeroak berak sartu ditu, beraz Saltzaileak uste du egiazko, benetako eta indarrean dauden datuak direla, eskaera-orrian eskatu moduan, eta Bezeroak onartzen du egiazko, benetako eta indarrean dauden datu osoak besterik ez ematea eta behar denean eguneratzea egiazko, benetako eta indarrean dauden datu oso izaten jarraitu dezaten.

Bezeroak onartzen du online erreserbarako formularioan sartutako datuak egiazkoak eta zehatzak direla, eta erreserba horrek berarekin dakarrela aukeratutako aisia-jarduera berehala ordaintzea. https://www.salsereta.com webgunearen jabeak berehala bidaliko du online erreserbaren berrespen emaila. Bezeroa https://www.salsereta.com webgunearekin harremanetan jarri ahal izango da gaizki edo osatu gabe emandako datuak zuzendu edo aldatzeko. Zuzenketa hori ezingo da izan inolaz ere Bezeroak bere hautuz kontratatutako ekintzari buruzkoa, kontuan izanda Bezeroak zuzenean gune baten alokairurako zerbitzua aukeratu duela eta behin ordainketa eginda, onartu dituela baldintzak aukeratutako eta ordaindutako ekintza edo zerbitzua hornitu eta gauzatzeko. Zalantzarik balego, info@salsereta.com posta elektronikoaren bitartez jarri ahal izango da harremanetan.

Hizkuntza

Salsereta lokalean erabilera anitzeko guneen erreserba online egiteko zerbitzua espainiar lurraldean eskaintzen da eta eskura dituzu kontratazio baldintza orokor hauek espainieraz eta euskaraz. Bi hizkuntzen artean hautatu ahal izango da lehentasunezkoa zein nahi den. Bezeroak berariaz onartzen du Saltzailearekin lotzen duen kontratuko hizkuntza espainiera zein euskara izatea Bezeroak aukeratutako kontratu hizkuntza modura.

Datu pertsonalen babesa

https://www.salsereta.com webgunean eskaintzen den erabilera anitzeko guneen online erreserba egiteko sistemara sartu ahal izateko beharrezkoa da online erreserba inprimakiak bete eta maila pertsonaleko hainbat datu ematea. https://www.salsereta.com orrian eskura dauden inprimakiak bete eta bidaltzean, dagokion ordainketa eginez, Bezeroak izaera pertsonaleko datuen tratamendurako baimen garbia ematen dio Saltzaileari, administrazio- eta merkataritza-kudeaketa  eta  Bezeroak egindako online erreserben kudeaketa burutzeko. Saltzaileak Bezeroari jakinarazten dio bere izaera pertsonaleko datuak Saltzailearen jabetzako fitxategi batean jaso eta maneiatuko direla. Fitxategi honek  izaera pertsonaleko datuen babeserako 15/1999 Lege Organikoak, abenduaren 13koak, ezarritako babes neurriak betetzen ditu; baita bere garapenerako araudiek ezarritakoak ere (1720/2007 Errege Dekretua, abenduaren 21ekoa).

Bezeroak aukera du atzitze, zuzentze, ezeztatze edo/eta aurkakotasun eskubiderako. Horretarako https://www.salsereta.com webguneko bezeroen arretarako atalera jo, idatzi Salsereta, Odol-emaileen pasealekua 1, 31015 Iruña (Nafarroa, España) helbidera, deitu telefonoz 684 011 651 bezeroaren arretarako zenbakira, edo bidali posta elektronikoa lopd@salsereta.com helbidera.

Zerbitzuaren baldintzak

Kontratazio baldintza orokor hauek https://www.salsereta.com webgunean zuzenean eskaintzen den online erreserbarako zerbitzuari dagozkio. Gune hauek erabilera ludiko, enpresa bilera, bazkari, askari edo afari edo antzerako beste ekintzak egiteko erreserbatu daitezke webgunean bertan. Kontratazio baldintza orokorretan, nahiz eskaintza, sustapen berezi edo beherapenetan edozein aldaketa balego, ohar baten bidez jakinaraziko da Bezeroak legozkion kontratazio baldintza zehatzak begiratu, irakurri, gorde edo jaitsi ahal izan ditzan.

Kasu bakoitzean, Bezeroak aisiarako edo lanerako gune jakin bat aukeratu ahal izango du. Bakoitzari dagokion prezioa produktuaren deskribapena eta irudiaren aldamenean dago zehaztuta. Eskaera egiteko, https://www.salsereta.com webgunean online erreserba sistemari dagozkion ataletan eskura dauden inprimakiak bete eta telematikoki bidali beharko dira.

Lokaleko guneen erabilgarritasuna

Bezeroak https://www.salsereta.com webgunean begiratu dezake ze gune mota dauden erabilgarri, gune horien edukiera, datak eta guneen euren ezaugarriak. Bezeroak onartzen du guneen erabilera zenbait erregela edo arauk baldintzatzen dutela. Arau hauek lokalera sartzeaz bat berariaz onartu beharko dira. Barne erabilerako arau eta baldintza hauek edozein momentutan irakurri eta jaitsi ahal dira, https://www.salsereta.com web orrialdean bertan eta lokalean dokumentu idatzi baten bitartez baitaude eskuragarri. Kontratazio baldintza orokor hauek onartzeak barne erabilerako arau denak bere osotasunean onartzea dakar berarekin. Arauok bertatik bertara ikusteko hemen sakatu.

Bezeroak onartzen du jarduerarik gabeko denboraldiak egotea behin behinean zerbitzurik eskaintzen ez delako. Denboraldi hauek behar bezala zehaztuko dira dagozkien oharren bidez https://www.salsereta.com web orrian. Jarduerarik gabeko aldi hauek ez diote eskubiderik emango Bezeroari https://www.salsereta.com webgunean agertzen diren ekintzen ordezko edo antzekoak lortzeko

Burututako transakzioekin lotutako mezuak gordetzeko betebeharra

Alde biek, Saltzaileak eta Bezeroak, berariazko konpromisoa hartzen dute 12 hilabetez gordetzeko euren artean izandako informazio denak, elektronikoki gauzatutako transakzioen froga bezala.

Kontratu-asmoa osatzea eta kontratuaren balioa

Kontratazio baldintza orokor hauek kontratuaren atal izatera pasako dira Bezeroak onartzen dituen momentuan.  Onarpena online erreserbarako inprimakia bidaltzearekin adieraziko da behin dagokion erosketa orgatxoan sartu eta berau aktibatuta.

Hau dela eta, beharrezkoa da Bezeroak kontratazio baldintza orokor hauek ulertzea eta hauek nahikoa eta aski direla baimenaren eraketan izandako akatsa alde batera uzteko.

Epeak

Bezeroak https://www.salsereta.com webgunearen bitartez online erreserba inprimakia bidaltzeko ondorengoa egin behar du: hasteko, erreserbaren %50 ordaindu, eta gero sakatu eskaera orain onartzeko botoia (“Erreserbatu”). Saltzaileak online erreserba jasoko du eta gehienez 24 orduko epean Bezeroari bidaliko dio erreserba horren berrespena posta elektroniko identifikatzaile (“Erreserba berrespena”) baten bitartez. Posta honetan datu pertsonalak berariaz adieraziko dira akatsak edo doitasunik eza antzemateko, baita aukeratutako ekintzak eta erosketa prezio osoa ere.

Bezeroa, erreserba berrespenerako posta elektronikoa jaso eta hurrengo 24 orduetan, online erreserbarako sistemaren jabearekin harremanetan jarri ahal izango da adierazteko online erreserbarako inprimakian akatsak daudela edo zehaztu gabeko edo osatu gabeko datuak zuzendu nahi dituela. 24 ordu igarota Bezeroak zuzenketa posta elektronikorik bidali ez badu, erreserba gauzatutzat joko da eta Saltzaileak berrespen emaila bidaliko du, gunearen online erreserbari dagokiona aukeratutako data eta orduan.

Bezeroak onartzen du ezingo duela erreserba ezeztatu. Inola ere ezingo da baliogabetu eta ordaindutakoa bueltatzea eskatu. Bezeroak onartzen du ekintza eta berau burutuko den data zehatza zuzenean aukeratu dituela, beraz, hautatutako egunean ez agertzea edo ezin joan ahal izatea ez da izango online erreserba bertan behera uzteko arrazoia. Dena dela, Saltzaileak aukera emango du Bezeroak erreserba data aldatu dezan, aukeratutako data baino 48 ordu lehenagora arte. Denbora hori pasatu bada, Bezeroak ezingo du erreserba data aldatu.

Bidaltzea eta hartzea

Behin lokalaren kostuaren %50 ordainduta, Saltzaileak online erreserba bidaliko du, Bezeroak egingo duen ekintzari buruzko informazioarekin, online erreserbarako inprimakian emandako helbide elektronikora. Bere ekintzen erreserba egiteko beste moduren bat beharrezkoa izanez gero Saltzailearekin harremanetan jarri ahal izango da. Saltzaileak kasu bakarrean onartuko du ordaindutako kopurua bueltatzea: online erreserbarako prozeduran Saltzaileari egotzi ahal zaizkion okerrak edo akats teknikoak gertatu direnean. Bezeroak bere nortasun edo kreditu txartelaren zenbakian ez-legezko ordezkatzea gertatu dela salatuko balu, Saltzaileari eman beharko dio egoera bermatuko lukeen salaketa eta honek bere izenean edo bere banku txartelaren gain egindako online erreserbaren kostua itzuliko lioke.

Ordainketa modua

Ordainketa kudeatzeko helburuarekin, Bezeroaren eskura jarri ditugu ondorengo ordainketa bideak:

  • Kreditu txartela: Visa, Mastercard
  • Banku transferentzia: Arquiari dagokion IBAN ES72 3183 3100 8110 0890 4227 kontu zenbakira
  • PayPal: reservas@salsereta.com kontura

Erreserba kostuaren gainerako %50a sistema hauexekin ordaindu daiteke, beti ere, alokairu data eta ordurako Saltzaileak kopurua eskura izango duela bermatuta badago. Bestela, esku-dirutan egin ahal izango da lokalean bertan.

Uko egiteko eskubidea

Bezeroak onartzen du Saltzaileak bere eskubideen berri eman diezaion kontratazio baldintza orokor hauen bitartez. Kontsumitzaile edo/eta erabiltzaile eskubide hauek ondorengo legeetan zehazten dira: batetik, 3/2014 legea (martxoaren 27koa), indarrean dagoen Kontsumitzaile eta Erabiltzaileen Defentsarako legedia (1/2007 Legea, azaroaren 16koa) aldatzen duena; eta bestetik, 34/2002 legea (urriaren 12koa)  informazio gizartea eta merkataritza elektronikoaren zerbitzuei buruzkoa.

Garrantzitsua: Araudi hauei jarraituta, erabiltzaileari jakinarazten diogu, ekintza jakin batzuk berariazko data edo gauzatze epean eskaintzen diren kasuetan, Bezeroak ez duela uko egiteko edo ordaindutakoa bueltatzeko eskubiderik bertaratu ez delako edo ekintzetaz gozatu ahal izan ez duelako. Beraz, https://www.salsereta.com webgunean eskaintzen diren guneen online erreserbarako zerbitzuetan, berariazko data edo gauzatze epedun ekintzak izanda, uko egiteko eskubidea bertan behera gelditzen da.

Bezeroaren portaera

Bezeroak onartzen du zerbitzua ez duela legez kanpoko helburuetarako erabiliko. Legez kanpoko portaera antzemanez gero Saltzaileak online erreserbarako zerbitzua ukatu ahal izango dio Bezeroari.

Edukiei dagokionez erreserbatutako eskubideak

Kontratazio baldintza orokor hauek ez diote baimena ematen Bezeroari https://www.salsereta.com webguneko eduki, marka, diseinu, irudi, egitura, datu-base, ikus-entzunezko eduki eta gainerako informazioa erabiltzeko. Jabetza Saltzailea edo legezko jabeena da. Bezeroak konpromisoa hartzen du https://www.salsereta.com web orriaren gaineko jabetza intelektual eta industrialaren eskubideak errespetatzeko; baita jabearen baimenik gabe edukiak ez erabiltzeko ere.

Baliogabetasun partziala

Kontratazio baldintza orokor hauen zatiren bat zuzenbidearen aurkakoa bada, eta beraz, baliogabekoa, ez du eraginik izango zuzenbidearekin bat datozen gainerako xedapenen gain. Kasu horretan, kontratuko alde biek konpromisoa hartzen dute baliogabetutako zerbitzuaren baldintza edo atalak birnegoziatu eta balio duten gainerako baldintzei gehitzeko.

Lege aplikagarria eta jurisdikzio eskuduna

Alde biek onartzen dute kontratuari eta haren ondorioz sortutako lege erlazio denei ezarri ahal zaien legedia, espainiarra izango dela, Kode Zibilaren 1262 artikuluak xedatutakoak berariaz aplikatuta. Kontratazio baldintza orokorren ezarpen, interpretazio edo gauzatzean gatazka edo desadostasunen bat balego aldeen artean, konpromisoa hartzen dute gatazkak konpontzeko judizioz kanpoko sistemak erabiltzeko, 1/2007 Legearen 24.1 artikuluak zehaztu moduan eta lekuko Epaitegi eta Auzitegien erabakiak betetzeko. Obligazio nagusia betetzeko lekua (produktuaren egoitza eta salmentaren egoitza lekua) Iruñako udalerriari dagokio. Nola ez, Nafarroa eta Espainiako mailaz goragoko organoen erabakiak ere bete beharko lirateke.

Kontsumo arloko auzien ebazpena online

524/2013 Europar Araudiaren 14.1 artikuluaren arabera, Europar Batasunak jendearen esku jartzen du auzien ebazpena online egiteko plataforma ondorengo loturan: http://ec.europa.eu/consumers/odr.

Bezeroek, auzien ebazpena online egiteko plataformaren bitartez adierazi ditzakete euren kexak.

Informazio gehiago

Edozein informazio gehigarri, iradokizun, kexa, erreklamazio edo proposamen egiteko jo Saltzailearen helbidera, Salseretaren izenean, Odol-emaileen pasealekua 1, 31015 Iruña (Nafarroa, España), edo info@salsereta.com posta elektronikora.

Jaitsi Salseretaren kontratazio baldintza orokorren dokumentua PDF formatuan

Menua